Fréttir

Krakkarnir í blakfélaginu Skelli tóku þátt í seinni hluta Íslandsmótsins í blaki yngri flokka um helgina. Skellur sendu fjögur lið; þrjú í 5. flokki og eitt lið í 4. flokki og er þetta fyrsta heila Íslandsmótið sem Skellur tekur þátt í. Í krakkablaki er spilað mismunandi stig af blaki eftir getu og á Íslandsmótinu er spilað í mismunandi deildum eftir því hvaða stig krakkarnir spila. Hér fyrir neðan er sagt frá hverju liði fyrir sig í örfáum orðum:

 Skellur 1 í 5. flokki: Liðið spilaði 3. stig á mótinu í haust og 4. stig á þessu móti. Óhætt er að segja að þessir krakkar séu farnir að spila fallegt blak. Í þeirra deild voru 12 lið og spilað í tveimur riðlum. Á mótinu í haust unnu þau alla leiki í sínum riðli og töpuðu naumlega úrslitaleik 2-1 við Aftureldingu sem var efsta liðið í hinum riðlinum. Á þessu móti fór riðlakeppnin á sama hátt, Skellur og Afturelding unnu hvort sinn riðilinn og aftur var leikinn úrslitaleikur í lok mótsins. Nú mættu krakkarnir í Skelli gríðarlega einbeitt til leiks og aldrei var spurning hvoru megin sigurinn lenti. Leikurinn vannst 2-0 og Skellur hömpuðu Íslandsmeistaratitlinum í sinni deild. Það vakti mikla athygli að félagið skyldi ná gulli á fyrsta Íslandsmótinu sínu.  Í liðinu voru: Bjarni Pétur, Auður Líf, Ívar Tumi, Birkir og Daði. Fjögur þeirra eru í raun í 6. flokki og eru því að spila upp fyrir sig. Þetta lið mun því spila í deild með A-liðum á næsta ári enda hafa þau sýnt og sannað að þau eiga fullt erindi í það. (tekið af heimasíðu Skells www.hsv.is/skellur )

Útivist og heilsuefling!

Kynning í Menntaskólanum á Ísafirði fimmtudaginn 15. apríl 2010

Sýningaraðilar:   Ferðafélag Íslands/Ferðafélag Ísfirðinga

                          Heilsuefling í Ísafjarðarbæ

                          Íþrótta- og Ólympíusamband Íslands, Almenningsíþróttasvið

                          Lýðheilsustöð, hreyfing, holt fæði, geðhjálp o.fl

                          Ungmennafélag Íslands, Ganga.is, Fjölskyldan á fjallið                  

Miðvikudagskvöld:  Uppsetning kynningarbása.

D A G S K R Á

Fimmtudag:

Kl. 08:00          Nemendur geta gengið á milli sýningarbása, skoðað og kynnt sér málin.

Kl. 10:30          Í fundartíma á sal.  Fulltrúar sýningaraðila flytja stutt erindi og kynna sín samtök.

Nemendur og starfsfólk skólans getur fræðst um málefni félagasamtakanna í frímínútum og hádegishléi og rætt við fulltrúa þeirra.  Boðið verður upp á ýmsa hreyfingu á staðnum svo sem:  Stafgöngu, hléæfingar, styrktaræfingar o.fl.

Kl. 12:00 - 13:00  Hægt verður að kaupa sér sérstakt heilsufæði á góðu verði í mötuneyti skólans.

Kl. 17:00          Opið hús fyrir íbúa á Norðanverðum Vestfjörðum sem áhuga hafa á að kynna sér starf og verkefni þeirra félagasamtaka sem að kynningunni standa.

Fulltrúar sýningaraðila flytja erindi og kynna samtök sín og það kynningarefni sem boðið er upp á í sýningarbásunum.  Gestir fá tækifæri til að hitta fulltrúa félagasamtakanna og fræðast nánar um starf þeirra.  Þá verður einnig boðið upp á stafgöngu, hléæfingar, styrktaræfingar o.fl.

Kl. 20:00          Aðalfundur Ferðafélags Ísafjarðar, fulltrúar frá Ferðafélagi Íslands mæta á fundinn og kynna starf félagsins og annarra deilda þess á landsbyggðinni.

Þátttaka er lífstíll

Ungt fólk á norðarverðum Vestfjörðum

Ætlað fyrir ungt fólk á menntaskólaaldri og 10.bekk

Málþing á vegum menntamálaráðuneytisins, Héraðssambands Vestfirðinga og Ísafjarðarbæjar.

Föstudaginn 19.Mars 2010 kl 13:15-16:30

Í fyrirlestrasal Menntaskólans á Ísafjarðar.

Skólinn opnar kl 12:55. Ekkert þátttökugjald er á málþingið.

Dagskrá:

Ávarp fundarstjóra: Jón Páll Hreinsson, formaður Héraðssambands Vestfirðinga

Erindi:

Veitingar í boði ráðstefnuhaldara og Ingó veðurguð flytur nokkur lög

Vinnuhópar og ungmennasmiðja.

• 1. Þátttaka er lífsstíll
• 2. Staða og framtíð æskulýðsstarfs (félags-og íþróttastarfs) á Vestfjörðum.
• 3. Fjárframlög og aðstaða til æskulýðsstarfs á Vestfjörðum
• 4. Ungmennasmiðja.

Niðurstöður vinnuhópa og ungmennasmiðju: Hópstjórar kynna niðurstöður.

Ráðstefnuslit:  Jón Páll Hreinsson

Ráðstefnustjóri:  Kristján Þór Kristjánsson