Þann 24. janúar síðastliðinn hélt Ísafjarðarbær hóf þar sem íþróttamaður Ísafjarðarbæjar 2015 var útnefndur. Við sama tækifæri var Tryggvi Sigtryggsson heiðraður fyrir áratugalanga langt, gott og gjöfult starf í þágu íþróttamála í sveitarfélaginu. Tryggvi lagði stund á knattspyrnu um langa hríð og eftir að skórnir voru lagðir á hilluna var hann drjúgur í að halda utan um starfið í kringum fótboltann. Tryggvi hefur á seinni árum fært sig meira í golfið og félagsmálin í kringum það með Golfklúbbi Ísafjarðar. Hætti hann síðastliði haust sem formaður klúbbsins eftir 9 ár. auk þess hefur hann komið víða við í öðru sem snertir íþrótta- og æslulýðsmál og sat um nokkurn tíma meðal annars í íþrótta- og tómstundanefnd Ísafjarðarbæjar. Hsv óskar Tryggva innilega til hamingju með þessa viðurkenningu og þakkar honum hans ómetanlega framlag til íþróttamála á svæðinu.