Um íþróttaskóla HSV

Yfirþjálfari: Salome Elín Ingólfsdóttir
Netfang: ithrottaskoli@hsv.is

Íþróttaskóli Héraðssamband Vestfirðinga (HSV) byrjaði haustið 2011 og er samstarfsverkefni HSV, aðildarfélaga HSV og Ísafjarðarbæjar  Íþróttaskólinn er fyrir börn í 1-4. bekk grunnskóla Ísafjarðarbæjar.  Íþróttaskóli HSV leggur áherslu á grunnþjálfun barna ásamt því að þau fái þjálfun í flestum þeim íþróttagreinum sem í boði eru á eldri stigum aðildarfélaga HSV.  Salome Elín Ingólfsdóttir er yfirþjálfari og sér um skipulagningu ásamt því að sjá um grunnþjálfun og boltaskóla í 1-2.bekk auk grunnþjálfunar í 3.-4.bekk.  Hún heldur einnig utan um þjálfun annarra greina í samstarfi við aðildarfélög HSV.   Ísafjarðarbær styður verkefnið og var stofnun skólans ein af grunnstoðum í nýjum samningi Ísafjarðarbæjar og HSV sem undirritaður vetur 2010-2011.

Markmið skólans eru.

  • Fá sem allra flest börn til að iðka íþróttir
  • Að fyrstu kynni barna af íþróttaiðkun sé jákvæð
  • Að börn fái að kynnast sem flestum íþróttagreinum
  • Að auka gæði þjálfunar
  • Lækka kostnað heimila við íþróttaiðkun barna
  • Auka grunnþjálfunarhluta æfinga, almenna hreyfingu, hreyfiþroska og hreyfigetu.