Reglur um skiptingu styrkja

Reglur um skiptingu styrkja til aðildarfélaga innan HSV

1. grein – Um úthlutun styrkja

HSV sér um að dreifa styrkjum til aðildarfélaga skv. innsendum ársskýrslum.  Styrkir þessir eru bein fjárframlög frá bæjarfélagi, Lottógreiðslur og greiðslur frá Íslenskum getraunum. 

2. grein – Skipting styrkja til aðildarfélaga

Styrkir skulu skipast á milli aðildarfélaga skv. eftirfarandi reiknireglu:

1. 70 % miðast við fjölda iðkenda, yngri en 18 ára
2. 20 % miðast við fjölda iðkenda 18 ára og eldri
3. 5 % miðast við skráða félaga
4. 5 % er skipt jafnt á félög

3. grein – Skilyrði fyrir úthlutun

Uppfylla þarf eftirfarandi skilyrði til að félag geti fengið úthlutað styrkjum:

1. Hverju aðildarfélagi innan HSV er skylt að skila starfsskýrslu eigi síðar en 15. apríl ár hvert.  Starfsskýrslur skulu innihalda félagatal, iðkendatal og  ársreikninga.  Í starfsskýrslum skal aðgreina meistaraflokka frá barna- og unglingastarfi.
2. Aðildarfélög skuli skila ársskýrslum til sambandsins að loknum aðalfundum sínum eða eigi síðar en 31. maí. Ársskýrslur skulu innihalda skýrslu stjórnar með árituðum ársreikningi.
3. Verði vanhöld á skýrsluskilum er HSV heimilt að halda eftir styrkjum til viðkomandi félags. Geri viðkomandi félag ekki skil á ársskýrslum á réttum tíma tvö ár í röð hefur stjórn HSV heimild til að taka viðkomandi félag af úthlutunarlista. Það fjármagn sem þegar hefur safnast upp skal renna 30% til afreksmannasjóðs HSV og 70% í búnaðarsjóð HSV.

4. grein - Breyting á reglum

Reglum þessum verður einungis breytt á ársþingi HSV með 2/3 hluta greiddra atkvæða.

Þannig samþykkt á Héraðsþingi HSV á Þingeyri 28. maí 2026.