Fréttir

  • 3.01.24
  • Dagný Finnbjörnsdóttir

Gleðilegt nýtt ár

Nánar
  • 20.12.23
  • Dagný Finnbjörnsdóttir

HSV og Ísafjarðarbær undirrita samstarfssamning til 3 ára.

Nýr samningur milli HSV og Ísafjarðarbæjar hefur verið undirritaður.

Stjórn HSV ásamt Ísafjarðarbæ hefur unnið að nýjum samning í góðri samvinnu og breytingar kynntar vel fyrir aðildarfélögum HSV. Á formannafundi þann 13. nóvember sl. voru drög að samningi samþykkt og fól fundurinn stjórn HSV að vinna málið áfram og ganga frá undirskrift á nýjum samningi.

Samningurinn felur í sér nokkrar breytingar:

Staða framkvæmdastjóra HSV mun færast til Ísafjarðarbæjar og rekstrarstyrkur Ísafjarðarbæjar til HSV minnkar sem samsvarar launagreiðslum og rekstri skrifstofu HSV.
Starfið verður auglýst skv. reglum Ísafjarðarbæjar og mun starfsmaðurinn sinna mörgum verkefnum sem HSV var með áður skv. samningi við Ísafjarðarbæ.

Íþróttaskóli HSV færist yfir til Ísafjarðarbæjar ásamt stöðu yfirþjálfara. Nýr starfsmaður á skóla- og tómstundasviði mun hafa umsjón með skólanum ásamt yfirþjálfara.

Ísafjarðarbær hefur lagt til íbúðarstyrk í formi afnota af fimm íbúðum Fasteigna Ísafjarðarbæjar. Þær eru nú aðeins úthlutaðar til 1. september 2024 þar sem Ísafjarðarbær hyggst selja íbúðirnar. Þetta ákvæði verður endurskoðað ef seinkun verður á sölu íbúðanna.

 

Við undirritun samnings greindi bæjarstjóri frá því að fullur vilji væri til að reyna allt hvað þau geta til að koma til móts við skerðingu íbúðastyrks.

Markmið með þessum breytingum er meðal annars að viðhalda öflugu íþróttastarfi í á svæðinu og að auka skilvirkni samskipta íþróttahreyfingar við Ísafjarðarbæ. Ísafjarðarbær og HSV munu áfram vera í góðu samstarfi og vinna að uppbyggingu íþrótta á svæðinu.

 

 

 
Nánar
  • 19.12.23
  • Dagný Finnbjörnsdóttir

Efnilegasti íþróttamaður Ísafjarðarbæjar: Tilnefningar 2023

Efnilegasti íþróttamaður Ísafjarðarbæjar 2023 verður útnefndur á sama tíma og útnefning íþróttamanns Ísafjarðarbæjar 2023, eða á veitingastaðnum Logni á Hótel Ísafirði þann 13. janúar 2024 kl. 14:00.

 

Eftirfarandi eru tilnefnd:

Anna Magnea Rafnsdóttir, Skíðafélagi Ísfirðinga, snjóbrettadeild
Bríet Emma Freysdóttir, Skíðafélagi Ísfirðinga, alpagrein
Dagný Emma Kristinsdóttir, körfuknattleiksdeild Vestra
Dagný Emma Kristinsdóttir, Skíðafélagi Ísfirðinga, skíðaganga
Grétar Nökkvi Traustason, Golfklúbbi Ísafjarðar
Grétar Smári Samúelsson, Skíðafélagi Ísfirðinga, skíðaganga
Guðrún Helga Sigurðardóttir, lyftingadeild Vestra
Hjálmar Helgi Jakobsson, körfuknattleiksdeild Vestra
Ísar Logi Ágústsson, Skíðafélagi Ísfirðinga, snjóbrettadeild
Karen Rós Valsdóttir, Skotís, skotfimideild
Maria Kozak, Skotís, bogfimideild
Patrekur Bjarni Snorrason, knattspyrnudeild Vestra
Svala Katrín Birkisdóttir, knattspyrnudeild Vestra
Sverrir Bjarki Svavarsson, blakdeild Vestra

Nánar
  • 18.12.23
  • Dagný Finnbjörnsdóttir

Átta nýjar starfstöðvar til eflingar íþróttastarfs

 
Ásmundur Einar Daðason, mennta- og barnamálaráðherra, Lárus L. Blöndal forseti ÍSÍ og Jóhann Steinar Ingimundarson formaður UMFÍ undirrituðu í dag samning um átta nýjar starfsstöðvar til eflingar íþróttastarfs á landsvísu. Samningurinn markar tímamót fyrir íþróttir á Íslandi en á grundvelli hans mun íþróttahreyfingin koma á fót átta svæðisskrifstofum með stuðningi stjórnvalda. Svæðisskrifstofurnar munu þjónusta öll 25 íþróttahéruð landsins og ná til tæplega 500 íþrótta- og ungmennafélaga um allt land og allra iðkenda á öllum aldri.
 
Stofnun starfsstöðvanna átta fellur vel að áherslum og stefnu mennta- og barnamálaráðuneytisins í íþróttamálum til ársins 2030. Horft er til þess að auka íþróttaþátttöku barna og ungmenna, auka áherslu á þátttöku fatlaðra barna í íþróttastarfi, ná betur til barna af tekjulægri heimilum og barna með fjölbreyttan tungumála- og menningarbakgrunn.
 
Eitt af markmiðum stefnumótunarinnar er jafnframt að ÍSÍ og UMFÍ skilgreini hlutverk íþróttahéraða að nýju og meti starfsemi þeirra með það að leiðarljósi að efla hana enn frekar.  Til viðbótar er horft til samlegðaráhrifa við verkefni ríkis og sveitarfélaga, s.s. samþættingu þjónustu í þágu farsældar barna, skólaþjónustu og æskulýðsstarf.
 
Tillögur um stofnun starfsstöðvanna voru samþykktar á þingi ÍSÍ í vor og á þingi UMFÍ í haust. Auk þess að setja á laggirnar átta svæðisskrifstofur munu ÍSÍ og UMFÍ samkvæmt samningnum koma á Hvatasjóði, þar sem íþróttahéruð/félög/deildir geta sótt um stuðning við verkefni er miða t.d. að útbreiðslu íþrótta og aukinni þátttöku barna.
 
Mennta- og barnamálaráðuneytið mun veita 400 m.kr. til verkefnisins á næstu tveimur árum. Þar af setja ÍSÍ og UMFÍ 130 m.kr. af árlegu framlagi ráðuneytisins til svæðisskrifstofa og 70 m.kr. til Hvatasjóðs. Á hverri svæðisskrifstofu verða tvö stöðugildi, annað fjármagnað af ráðuneytinu og hitt af íþróttahreyfingunni. 

 

Nánar
  • 14.12.23
  • Dagný Finnbjörnsdóttir

Íþróttamaður Ísafjarðarbæjar 2023: Tilnefningar

Íþróttamaður Ísafjarðarbæjar 2023 verður útnefndur á veitingastaðnum Logni á Hótel Ísafirði þann 13. janúar 2024 kl. 14:00. Viðburðurinn er öllum opinn.

Eftirtalin eru tilnefnd í kjörinu um íþróttamann Ísafjarðarbæjar

Ásgeir Óli Kristjánsson, Golfklúbbi Ísafjarðar, tilnefndur af Golfklúbbi Ísafjarðar
Elmar Atli Garðarsson, knattspyrnudeild Vestra, tilnefndur af bæjarbúa
Dagur Benediktsson, Skíðafélagi Ísfirðinga, tilnefndur af Skíðafélagi Ísfirðinga
Gustav Kjeldsen, knattspyrnudeild Vestra, tilnefndur af knattspyrnudeild Vestra
Leifur Bremnes, Skotís, tilnefndur af Skotís
Sigrún Betanía Kristjánsdóttir, knattspyrnudeild Vestra, tilnefnd af knattspyrnudeild Vestra
Sigurður Gunnar Þorsteinsson, körfuknattleiksdeild Vestra, tilnefndur af körfuknattleiksdeild Vestra
Sólveig Pálsdóttir, Golfklúbbi Ísafjarðar, tilnefnd af Golfklúbbi Ísafjarðar
Svanfríður Guðný Þorleifsdóttir, blakdeild Vestra, tilnefnd af blakdeild Vestra

 

 

Nánar

Leita

Fylgstu með á Facebook

Félög