Jóhanni Torfasyni er fótbolti í blóð borinn og hann hefur verið virkur þátttakandi í íþróttinni allt sitt líf, allt frá því að vera leikmaður og til þess að vera stjórnarmaður í sínu félagi og nefndar- og stjórnarmaður hjá KSÍ.
Jói Torfa hefur um langt árabil starfað að framgangi íslenskrar knattspyrnu, hefur átt stóran þátt í uppbyggingu knattspyrnustarfs á Ísafirði, verið ötull baráttumaður fyrir knattspyrnuna á landsbyggðinni, og lagt mikið af mörkum á vettvangi KSÍ, sér í lagi þegar kemur að verkefnum yngri landsliða. Jóhann Torfason hefur gert knattspyrnuíþróttinni ómetanlegt gagn.
Þess má geta að Jóhann var einnig sæmdur Heiðurskrossi ÍSÍ sama dag fyrir mikið og óeigingjarnt starf í þágu íþróttahreyfingarinnar á Vestfjörðum, knattspyrnuhreyfingarinnar og ÍSÍ.
HSV óskar honum til hamingju með viðurkenningarnar.
KSÍ: FYRIRLESTUR Á ÍSAFIRÐI UM EINELTI, SAMSKIPTI OG FORVARNIR
Fimmtudaginn 23.febrúar mun KSÍ bjóða upp á fyrirlestur sem ber heitið Einelti, samskipti og forvarnir. Fyrirlesari er Vanda Sigurgeirsdóttir, formaður KSÍ, en Vanda hefur viðtæka þekkingu og reynslu af viðfangsefninu.
Fyrirlesturinn er öllum opinn og verður á efri hæðinni í Vallarhúsinu á Torfnesi. Frítt er á fyrirlesturinn. Tímasetning viðburðar er 17:00 - 19:00
Viðfangsefnið er:
Einelti og samskiptavandi
Jákvæðir og neikvæðir leiðtogar
Liðsandi
Foreldrasamskipti
Að námskeiðinu loknu eiga þátttakendur að vera komnir með góða innsýn í:
Hvernig á að koma auga á, fyrirbyggja og taka á einelti og samskiptavanda í knattspyrnuliðum. Hvernig hægt er að efla iðkendur sem jákvæða leiðtoga Hvernig efla má liðsanda Hvernig stuðla má að jákvæðum foreldrasamskiptum.
Þjálfarar með KSÍ/UEFA þjálfararéttindi fá 4 endurmenntunarstig fyrir að sitja fyrirlesturinn. KSÍ hvetur einnig fólk í stjórnum knattspyrnudeilda og barna- og unglingaráða til mæta á fyrirlesturinn.
Óskað er eftir því að áhugsamir skrái sig á viðburðinn
SKOTÍÞRÓTTAFÉLAG ÍSAFJARÐAR MEÐ 3 TITLA, 2 SILFUR OG ÍSLANDSMET Á ÍSLANDSMÓTI UNGMENNA UM HELGINA
Tveir keppendur kepptu fyrir hönd Skotíþróttafélags Ísafjarðar (Skotís) innan HSV á Íslandsmóti ungmenna í bogfimi um helgina með góðum árangri. Maria Kozak og Kristjana Rögn Andersen kepptu báðar í berbogaflokki U18 á mótinu og unnu titilinn í liðakeppni berboga U18 ásamt því að slá Íslandsmet í liðakeppni U18 berboga kvenna.
Frá þessu er greint á vefsíðu Bogfimisambandsins.
Maria Kozak vann tvo einstaklings Íslandsmeistaratitila, U18 kvenna og U18 unisex og vert að geta að í báðum tilfellum vann hún í gull úrslita leiknum gegn liðsfélagasínum Kristjönu. Þetta er í fyrsta sinn sem einnig er keppt á Íslandsmótum ungmenna um Íslandsmeistaratitil óháðan kyni, en þeirri viðbót var m.a. bætt við í reglurnar til þess að stuðla að aðgengi og þátttöku þeirra sem eru skráðir með þriðju kynskráningu í þjóðskrá. Einn slíkur keppandi var á mótinu sem setti Íslandsmetið í trissuboga U18 kynsegin/annað.
Skotís hefur ekki unnið einstaklings Íslandsmeistaratitil ungmenna í meira en 6 ár og því sterk frammistaða hjá félaginu með efnilega keppendur að koma inn með 3 titla, 2 silfur og 1 Íslandsmet á þessu móti.
Íslandsmeistari U18 berboga kvenna Maria Kozak
Íslandsmeistari U18 berboga Maria Kozak (óháð kyni)
Báðar stelpurnar hafa lýst yfir áhuga á því að keppa á Norðurlandameistaramóti ungmenna í Noregi í júlí næstkomandi og það verður spennandi að sjá árangur þeirra þar ef þær ákveða að leggja í för þanngað.
Dagur Benediktsson er íþróttamaður Ísafjarðarbæjar 2022
Skíðagöngumaðurinn Dagur Benediktsson var útnefndur íþróttamaður Ísafjarðarbæjar 2022 í gær, sunnudaginn 8. janúar.
Dagur var tilnefndur af Skíðafélagi Ísfirðinga og í rökstuðningi segir:
Dagur hefur æft skíðagöngu með SFÍ frá unga aldri og keppir nú um allan heim fyrir hönd Ísfirðinga. Hann hefur lagt mikið á sig til að komast á þennan stað sem hann er í dag enda krefst það gífurlegs sjálfsaga að komast langt í einstaklingsíþrótt. Til að mynda ver Dagur yfir 700 klst. í æfingar á ári sem er að meðaltali um 2 klst á dag, alla daga ársins. Hann er mikil fyrirmynd fyrir krakkana í SFÍ og passar að kíkja á æfingar þeirra þegar hann er staddur á svæðinu. Dagur er í A-landsliðinu í skíðagöngu og keppir á mörgum helstu stórmótum heims, enda er hann einn af topp þremur Íslendingum á heimslista í skíðagöngu karla. Hann vann til fjölda verðlauna á síðasta ári og má þá helst nefna að hann var annar í mark af öllum í 50 km Fossavatnsgöngu.
Til gamans má geta þess að fyrir 40 árum, í febrúar 1983, hlaut móðir Dags, Stella Hjaltadóttir, útnefninguna íþróttamaður Ísafjarðar.
Við sama tilefni var efnilegasti íþróttamaður Ísafjarðarbæjar 2022 einnig útnefndur og féll titillinn í skaut Grétars Smára Samúelssonar, en Grétar stundar skíðagöngu af miklu kappi. Í rökstuðningi SFÍ segir að hann hafi náð frábærum árangri á síðasta ári og unnið allar þær greinar sem hægt er að vinna á skíðagöngumótum fyrir hans aldur auk þess að vera í öðru sæti af 125 keppendum í 25 km hefðbundinni göngu í Fossavatnsgöngunni.
Grétar Smári og Dagur.
Þá voru veittar viðurkenningar þeim sem hlutu tilnefningu frá sínu íþróttafélagi í báðum flokkum.
Tilnefningar í kjörinu um íþróttamann Ísafjarðarbæjar
Karen Rós Valsdóttir – Skotíþróttafélag Ísafjarðarbæjar Jón Gunnar K. Shiransson – Golfklúbbur Ísafjarðar James M. Parilla f.h. Hilmis Hallgrímssonar – Körfuknattleiksdeild Vestra Grétar Logi Sigurðsson f.h. Hafsteins Más Sigurðssonar – Blakdeild Vestra Dagur Benediktsson – Skíðafélag Ísfirðinga Jón Hálfdán Pétursson f.h. Nicolaj Madsen – Knattspyrnudeild Vestra Stefán Freyr Jónsson f.h. Rolands Lebedevs – Handknattleiksdeild Harðar
Tilnefningar í kjörinu um efnilegasta íþróttamann Ísafjarðarbæjar
