Fréttir

Mikið var um að vera í íþróttalífi Ísfirðinga um liðna helgi. Keppt var í þremur íþróttahúsum, Torfnesi, Bolungarvík og Þingeyri í körfubolta, blaki og boccia. Bogfiminámskeið fór fram hjá Skotíþróttafélagi Ísafjarðarbæjar í aðstöðu þeirra á Torfnesi og 50 konur voru á gönguskíðanámskeiði á Seljalandsdal. Auk þess lék knattspyrnulið Harðar tvo leiki og lið Vestra einn í Reykjavík. Yngri flokkar Vestra í körfubolta voru líka á ferðinni, 7. flokkur stúlkna spilaði í Njarðvík og 9. flokkur á Stykkishólmi. Skíðakrakkar voru við keppni norður í landi, göngumenn á Ólafsfirði og alpakrakkar á Dalvík.

Í íþróttahúsinu á Þingeyri fór fram í fyrsta sinn keppni á Íslandsmeistaramóti í körfubolta en þar var leikið mót hjá 9. flokki drengja. Á Þingeyri er verið að setja upp nýja skorklukku í íþróttahúsið og verður þá hægt að spila í húsinu leiki hjá yngri flokkum í blaki og körfubolta. Væntanlega verður mikið spilað þar á næstu leiktíð.

Á Torfnesi á föstudagskvöld lék meistarflokkur Vestra í körfubolta sinn síðasta heimaleik fyrir úrslitakeppni er þeir léku við lið Hamars. Leikurinn tapaðist 84-101 en Vestri hefur þegar tryggt sér sæti í úrslitakeppni deildarinnar sem hefst í lok mánaðarins. Á laugardag kl. 11 sigraði drenglið Vestra í körfubolta lið Keflavíkur. Blaklið karla lék kl. 13 við lið HKb og sigraði 3-1. Að leik loknum fékk Vestri afhnt verðlaun fyrir að vera deildarmeistarar í 1. deild. kl. 15 var komið að kvennaliði Vestra í blaki en þær töpuðu fyrir liði Ýmis 0-3. Með þeim sigri tryggði lið Ýmis sér deildarmeistaratilil í 1. deild kvenna og var þeima afhent sigurlaun að leik loknum. Á sunnudag fór svo fram í húsinu Góumót Kubba í boccia.

Í íþróttahúsinu í Bolungarvík sigraði blið Vestra í körfuknattleik við lið Grundarfjarðar. Á sunnudagkl. 14.00 lék kvennalið Vestra í blaki við Aftureldingu-b, sá leikur tapaðist 3-0 og kl. 16 lék stúlknaflokkur Vestra í körfubolta við lið Hauka.

Vestri deildarmeistarar 2019

Tihomir Paunovski þjálfari Vestra hampar bikarnum

Kári Eydal yngsti leikmaður Vestra tekur við verðlaunum frá Guðmundi Gunnarssyn bæjatstjóra

« 1 af 3 »

Karlalið Vestra í blaki varð í efsta sæti í keppni í 1. deild og eru því deildarmeistarar. Síðastliðinn laugardag fengu þeir afhent verðlaun af því tilefni. Það var Guðmundur Gunnarsson bæjarstjóri Ísafjarðarbæjar sem afhenti þeim deildarbikarinn í Torfnesi að loknum sigurleik gegn HKb. Með sigri sínum í fyrstu deild hefur Vestri tryggt sér keppnisrétt í úrvalsdeild næsta keppnistímabil. Þjálfari Vestra er Tihomir Paunovski.

Albert, Heimir og Dagur eftir undirritun samninga við Afrekssjóð HSV

Á meðan Heimsmeistaramótið í norrænum greinum fór fram í Seefeld í Austurríki í febrúar, gerði Afrekssjóður HSV samninga við tvo keppendur. Albert Jónsson og Dagur Benediktsson frá Skíðafélagi Ísfirðinga voru meðal keppenda en þeir fá nú mánaðarlegan styrk frá Afrekssjóðnum fyrir árið 2019. Heimir Hansson stjórnarmaður í HSV hitti þá félaga í Seefeld og skrifaði undir samninga við þá fyrir hönd Afrekssjóðs HSV.

Albert Jónsson hefur síðustu ár verið í hópi sterkustu göngumanna landsins. Hann hefur tekið þátt í alþjóðlegum viðburðum og keppnum fyrir Íslands hönd undanfarin ár svo sem Olympíuhátíð Evrópuæskunnar í Austurríki 2015, æfingabúðum á Ítalíu á vegum Alþjóðlega skiðasambandsins árið 2016, HM U23 í Lahti í Finnlandií janúar og svo núna síðast HM fullorðinna í Austurríki. Albert var kjörinn íþróttamaður Ísafjarðarbæjar árið 2017. Albert er við æfingar og keppni í Noregi og stefnir á að komast á Olympíuleikana í Kína árið 2022.

Dagur Benediktsson hefur eflst mikið undanfarið sem gönguskíðamaður og var ásamt Alberti keppandi á HM U23 í Lahti í Finnlandi í janúar og lauk nýverið keppni á HM fullorðinna í Seefeld í Austurríki. Áður hefur hann keppt á Olympíuhátíð Evrópuæskunnar og Olympíumóti ungmenna. Á síðasta ári varð Dagur bikarmeistari SKÍ bæði í flokki fullorðinna og 19-20 ára. Í Fossavatnsgöngunni 2018 varð Dagur í 5. sæti. Dagur æfir og keppir nú í Svíþjóð með það að markmiði að komast á Olympíuleikana í Kína árið 2022.

Vestramenn vinna nú hörðum höndum að því að útbúa félagsaðstöðu á efri hæðinni í Vallarhúsinu á Torfnesi. Þar verður stór salur sem nýtast mun öllum deildum félagsins sem og öðrum íþróttafélögum sem þess óska. Einnig verða sett upp salerni og eldhúsaðstaða. Á meðfylgjandi mynd má sjá Hjalta Karlsson formann Vestra mála loftbita í húsinu með Vestrabláum lit.

Á komandi helgi spilar Vestri tvo blakleiki í íþróttahúsinu á Torfnesi. Á laugardag kl. 13 er það meistaraflokkur karla sem tekur á móti HKb og á sunnudag kl. 14 spilar meistarflokkur kvenna við HKb.

Karlalið Vestra hefur gengið mjög vel í vetur og er sem stendur í efsta sæti 1. deildar með 33 stig eftir 12 leiki en HKb er í þriðja sæti með 23 stig en á tvo leiki til góða. Það stefnir því í skemmtilegan leik á laugardaginn hjá Vestramönnum.

Vestrakonur eru í þriðja sæti í 1. deild en HKb eru í öðru sæti með einu stigi meira en Vestri sem á einn leik til góða. Leikur sunnudagsins hjá kvennaliði Vestra verður því eflaust spennandi og barist um hvert stig. 

Hvetjum við fólk til að mæta en blak er mjög skemmtileg íþrótt og oft mikil spenna í leiknum.