Fréttir

Í desember samþykkti stjórn HSV að óska eftir því við Ísafjarðarbæ að komið yrði til móts við ungt afreksfólk í sveitarfélaginu á aldrinum 14-21 árs með sumarvinnu.

Ungt afreksfólk í íþróttum sem valið hefur verið til að keppa fyrir landslið Íslands í sinni íþróttagrein er gjarnan upptekið stóran part sumars í æfinga og keppnisferðum. Sú fjarvera frá heimabyggð veldur þeim erfiðleikum við að stunda vinnu vegna fjarvista og einnig er erfitt að fá vinnu þegar fyrirséð er að viðkomandi þurfi mikið frí til að sinna ástundun og æfinga- og keppnisferðum.

Óskaði stjórn HSV því eftir að Ísafjarðarbær kæmi til móts við þessi ungmenni með eftirfarandi hætti:

• Þau verði ráðin til sumarvinnu hjá Ísafjarðarbæ sem hentar þeirra aldri og reynslu og sinni þeirri vinnu þegar þau geta vegna æfinga og keppni.
• Þegar þau fara í æfinga- eða keppnisferðir vegna sinnar íþróttaiðkunar haldi þau sínum launum þrátt fyrir fjarveru

Skilyrði til þátttöku í verkefninu:

• Að vera á aldrinum 14-25 ára.
• Að vera valin í landslið, unglingalandslið eða B landslið á vegum viðkomandi sérsambanda.
• Að þjálfari þeirra votti að þau stunda sína íþrótt af fagmennsku og metnaði.

Hugmyndin er því að Ísafjarðarbær ráði þessa iðkendur í vinnu og þau haldi launum sínum þegar þau þurfa frí til að æfa og keppa fyrir Íslands hönd. Miðað er við að þau séu í þannig störfum hjá sveitarfélaginu að auðvelt sé fyrir þau að komast frá.

Bæjarstjórn hefur nú samþykkt þessa beiðni. Vonandi verður þetta til að auðvelda okkar unga afreksfólki að afla sér tekna yfir sumarið án þess að það bitni á þeirra íþróttaferli.

Kristín Þorsteinsdóttir íþróttafélaginu Ívar

Svala Sig þjálfari og Kristín

« 1 af 2 »

Sundkonana Kristín Þorsteinsdóttir tók á helginni þátt í opna Evrópska sundmótinu fyrir einstaklinga með Downs heilkennið (European Downs Syndrome Open Svimming Competition 2019). Kristín sem æfir hjá íþróttafélaginu Ívari var skráð til keppni í sjö greinum. Árangurinn var glæsilegur en hún sigraði í sex greinum og varð einu sinni í öðru sæti.

Fyrri keppnisdagur:

50m bak - 46,95 – Silfur. Bæting - Nýtt Íslandsmet. 
25m bak - 22,49 – Gull. Evrópumeistari DSSF. 
50m skrið - 37,45 – Gull. Evrópumeistari DSSF. 
25m flug - 20,13 – Gull. Evrópumeistari DSSF - Evrópumet í Master1 flokki - Heimsmet í Master 1 flokki.

Síðari keppnisdagur:

50m flug – 42,75. Gull - Evrópumeistari DSSF. 
25m skrið – 18,47. Gull - Evrópumeistari DSSF. Evrópumet í Masters 1 flokki (25-34 ára). 
100m skrið – 1.28,11. Gull - Evrópumeistari DSSF.

Það eru því sex gull og eitt silfur í farangrinum heim. HSV óskar Kristínu og Svölu Sif Sigurgeirsdóttur þjálfara hennar til hamingju!

« 1 af 3 »

Meistaraflokkur og 2. flokkur Vestra í knattspyrnu er nú í æfingaferð í Montecastio á Spáni. Ferðin hófst síðasta fimmtudag og líkur næsta fimmtudag. Æft er einu sinni til tvisvar á dag við bestu mögulegu aðstæður. Á undirbúningstímabilinu hefur liðið æft í tvennu lagi annarsvegar á gervigrasi í Garðabæ og hinsvegar á parketi í Bolungarvík. Það er því liðinu mikilvægt að ná að æfa saman og spila bolta á góðum völlum. Á þriðjudag spilaði Vestri við lið Gróttu sem einnig er hér í æfingaferð og lauk leiknum með sigri Vestra 2-1. Mörkin skoruðu Þórður Hafþórsson og Zoran Plazonic, Pétur Bjarnason átti báðar stoðsendingarnar. Grótta leikur í fyrstu deild á komandi tímabilien Vestri í annari deild. Fyrsti leikur Vestra í Íslandsmóti er 4. maí

Gréta Proppe Hjaltadóttir

Hilmir, Hugi, Helena og Friðrik

« 1 af 2 »

Fimm ungir og efnilegir iðkendur frá körfuboltadeild Vestra hafa verið valin í til að leika með yngri landsliðum Íslands. Um er að ræða lokahópa U15, U16 og U18 fyrir verkefni sumarsins.

Gréta Proppe Hjaltadóttir hefur verið valin í U15 landslið Íslands sem keppir á alþjóðlegu móti í Kaupmannahöfn í júní. Árangur Grétu er athyglisverður en hún býr á Þingeyri og þarf að sækja nær allar sínar æfingar til Ísafjarðar. 

Helena Haraldsdóttir mun leika með U16 landslið Íslands á Norðurlandamóti í Finnlandi í lok júní. Í ágúst keppir liðið síðan í Sofiu í Búlgaríu í Evrópukeppni FIBA.

Friðrik Heiðar Vignisson leikur með U16 karlalandsliðinu á Norðurlandamótinu í Finnlandi og síðan í Evrópukeppni FIBA í Padgorica í Svartfjallalandi í ágúst.

Bræðurnir Hilmir og Hugi Hallgrímssynir eru valdir í U18 landslið Íslands og munu spila með því á Norðurlandamótinu í Finnlandi. Um mánaðarmótin júlí/ágúst fara leika þeir sína með liðinu í Evrópukeppni FIBA í Oradea í Rúmeníu.

Þjálfarar þessara efnilegu ungmenna eru Yngvi Páll Gunnlaugsson, Nebojsa Knezevic og Nemanja Knezevic.

Gréta Proppe Hjaltadóttir

Hilmir, Hugi, Helena og Friðrik

« 1 af 2 »

Fimm ungir og efnilegir iðkendur frá körfuboltadeild Vestra hafa verið valin í til að leika með yngri landsliðum Íslands. Um er að ræða lokahópa U15, U16 og U18 landsliða fyrir verkefni sumarsins.

Gréta Proppe Hjaltadóttir hefur verið valin í U15 landslið Íslands sem keppir á alþjóðlegu móti í Kaupmannahöfn í júní. Árangur Grétu er athyglisverður en hún býr á Þingeyri og þarf að sækja nær allar sínar æfingar til Ísafjarðar. 

Helena Haraldsdóttir mun leika með U16 landslið Íslands á Norðurlandamóti í Finnlandi í lok júní. Í ágúst keppir liðið síðan í Sofiu í Búlgaríu í Evrópukeppni FIBA.

Friðrik Heiðar Vignisson leikur með U16 karlalandsliðinu á Norðurlandamótinu í Finnlandi og síðan í Evrópukeppni FIBA í Padgorica í Svartfjallalandi í ágúst.

Bræðurnir Hilmir og Hugi Hallgrímssynir eru valdir í U18 landslið Íslands og munu spila með því á Norðurlandamótinu í Finnlandi. Um mánaðarmótin júlí/ágúst fara leika þeir sína með liðinu í Evrópukeppni FIBA í Oradea í Rúmeníu.

Þjálfarar þessara efnilegu ungmenna eru Yngvi Páll Gunnlaugsson, Nebojsa Knezevic og Nemanja Knezevic.