Fréttir

Auður Líf Benediktsdóttir

Anna María Daníelsdóttir

Þórður Gunnar Hafþórsson

Albert Jónsson

« 1 af 4 »

Úthlutað hefur verið styrkjum úr afrekssjóði HSV. Alls bárust 15 umsóknir frá þremur félögum. Stjórn afrekssjóðsins ákvað að gera styrktarsamninga til eins árs við fjóra einstaklinga um mánaðarlega styrki. Er það í fyrsta sinn sem slíkir samningar  eru gerðir. Helsta markmið með samningunum er að auka utanumhald og stefnumörkun á afrekssviði og jafnframt er sett er aukin áhersla á markmið og markvissan undirbúnig þeirra iðkenda sem stefna að því að komast í fremstu röð. Einnig voru veittir styrkir til 11 iðkenda samvæmt því ferli sem áður hefur verið úthlutað eftir hjá Afrekssjóðnum.

Valið var erfitt því árangur ungra íþróttamanna hér á svæðinu er góður og margir kallaðir til í landsliðshópa og úrtaksæfingar sinna sérsambanda. Það sýnir gott og skipulagt starf aðildarfélaga HSV og verður gaman að fylgjast með þessu efnilega íþróttafólki þroskast og dafna á næstunni.

Þeir íþróttamenn sem gerðir verða samningar við eru:

Albert Jónsson Skíðafélagi Ísfirðinga

Anna María Daníelsdóttir Skíðafélagi Ísfirðinga

Auður Líf Benediktsdóttir Vestra

Þórður Gunnar Hafþórsson Vestra

Þeir íþróttamenn sem fengu styrki eru:

Birkir Eydal Vestra

Dagur Benediktsson Skíðafélagi Ísfirðinga

Hafsteinn Sigurðsson Vestra

Himir Hallgrímsson Vestra

Hugi Hallgrímsson Vestra

Jakob Daníelsson Skíðafélagi Ísfirðinga

Kjartan Óli Kristinsson Vestra

Kolfinna Íris Rúnarsdóttir Skíðafélagi Ísfirðinga

Kristín Þorsteinsdóttir Ívar

Sigurður Arnar Hannesson Skíðafélag Ísfirðinga

Sólveig María Hallvarðsdóttir Aspelund Skíðafélagi Ísfirðinga

Nú ætlum við að reyna aftur með fyrirlestra Pálmars Ragnarssonar í næstu viku. Eins og fram kom í janúar er Pálmar mjög vinsæll fyrirlesari og vonumst við til að vel verði mætt hér vestra. Vinsamlegast komið þessari tilkynningu sem víðast.

Fyrirlestrarnir verða í sal Menntaskólans á Ísafirði.

Dagskráin lítur þá svona út:

Þriðjudaginn 20. febrúar kl. 18-19 fyrirlestur fyrir þjálfara og stjórnarfólk.

Þriðjudaginn 20. febrúar kl. 20-21 fyrirlestur fyrir foreldra.

Miðvikudaginn 21. febrúar kl. 18-19 fyrirlestur fyrir iðkendur 14 ára og eldri.

Pálmar er mjög vinsæll fyrirlesari og hefur sérhæft sig í fyrirlestrum um jákvæð samskipti í starfi með börnum fyrir kennara, þjálfara og annað starfsfólk sem starfar með börnum. Einnig er hann með fyrirlestra fyrir nemendur mennta- og grunnskóla og iðkendur í íþróttum um samskipti innan hópsins, markmiðasetningu og fleira.
Í fyrirlestrunum fjallar hann um aðferðir og eigin reynslu í þjálfun barna og unglinga. Lögð er áherslu á að láta öllum líða eins og þeir séu mikilvægur hluti af hópnum, hvernig við getum haft hvetjandi áhrif á fólkið í kringum okkur og hvernig tekið er á móti nýju fólki.
Einnig fer hann yfir það hvernig nýta má markmiðasetningu bæði í persónulegu lífi og starfi. Hvernig markmið best sé að setja sér og hvað getur hjálpað okkur við að ná markmiðum okkar.
Skemmtilegir og jákvæðir fyrirlestrar sem hafa fengið mikið umtal og skilja gott eftir sig.

Pálmar er strandamaður, fæddur árið 1984. Búsettur í Reykjavík og starfar sem körfuboltaþjálfari ásamt háskólanámi. Hann er með BS. gráðu í sálfræði og MS. gráðu í viðskiptafræði. Í lokaverkefni sínu rannsakaði hann og skrifaði um samskipti á vinnustöðum og það hvort að vinnustaðir gætu nýtt sér aðferðir í samskiptum úr íþróttum ungmenna.

Hann hefur 12 ára reynslu af íþróttaþjálfun barna og unglinga:
2006-2012: Fjölnir
2012-2017: KR
2017+ Valur

Hann hefur nokkra reynslu af stjórnunarstörfum í vinnu og félagsstörfum. Var formaður Animu - félags sálfræðinema.

Pálmar hefur komið mikið að verkefni ÍSÍ og UMFÍ „Sýnum karakter“ og hér má finna fyrirlestra sem hann hefur haldið í tengslum við það verkefni.

http://synumkarakter.is/grein/ahugahvot-og-sjalfstraust

http://synumkarakter.is/grein/eg-akvad-ad-verda-godur-thjalfari

Á vef ÍSÍ er að finna fræðsluefni varðandi kynferðislegt áreiti og ofbeldi:

http://isi.is/fraedsla/kynferdislegt-areiti-og-ofbeldi/

Þar á meðal eru myndbönd frá Norska Íþrótta- og Ólympíusambandinu sem ÍSÍ fékk leyfi til að nýta.

https://vimeopro.com/user33366809/abyrgd-thjalfarans

Albert Jónsson SFÍ, íþróttamaður Ísafjarðarbæjar 2017 á fullri ferð í brautinni.

Þórður Gunnar Hafþórsson Vestra, efnilegasti íþróttamaður Ísafjarðarbæjar 2017

Harpa Grímsdóttir blakdeild Vestra fær afhent hvatningarverðlaun Ísafjarðarbæjar af Margréti Halldórsdóttur

« 1 af 3 »

Sunnudaginn 21. janúar var útnefndur Íþróttamaður Ísafjarðarbæjar 2017, efnilegasti íþróttamaður Ísafjarðarbæjar 2017 ásamt því að veitt voru sérstök hvatningarverðlaun fyrir gott og gjöfult starf til íþróttamála í sveitarfélaginu.

Íþróttamaður Ísafjarðarbæjar 2017 er Albert Jónsson Skíðafélagi Ísfirðinga. Albert er afburða íþróttamaður sem leggur mikið á sig fyrir íþrótt sína og uppsker í samræmi við það.  Í skíðasamfélaginu er hann orðlagður fyrir einstaka samviskusemi og dugnað við æfingar. Hann setur sér háleit og krefjandi markmið og vinnur skipulega að því að ná þeim. Þessi eljusemi hefur nú skilað honum sæti í A-landsliði Íslands í skíðagöngu og á möguleika á að keppa fyrir Íslands hönd á Ólympíuleikunum í febrúar.  Áhugi Alberts og æfingagleði  smitar út frá sér og bætir alla í kringum hann. Hann er óþreytandi við að aðstoða og hvetja áfram liðsfélaga sína í Skíðafélagi Ísfirðinga og reyndar skíðagöngufólk um allt land.

Þeir íþróttamenn sem tilnefndir voru til íþróttamanns Ísafjarðarbæjar 2017 auk Alberts eru eftirfarandi:

Auður Líf Benediktsdóttir Blakdeild Vestra

Axel Sveinsson Knattspyrnudeild Harðar

Daði Freyr Arnarsson Knattspyrnudeild Vestra

Daníel Wale Adeleye Handknattleiksdeild Harðar

Einar Torfi Torfason Glímudeild Harðar

 Kristín Þorsteinsdóttir Íþróttafélagið Ívar

Leifur Bremnes Skotíþróttafélag Ísafjarðarbæjar

Nebosja Knezevic Körfuknattleiksdeild Vestra

Stefán Óli Magnússon Golfklúbbi Ísafjarðar

Efnilegasti íþróttamaður Ísafjarðarbæjar 2017 var útnefndur Þórður Gunnar Hafþórsson knattspyrnumaður hjá Vestra. Þórður er duglegur og hæfileikaríkur leikmaður sem átti fast sæti í meistarflokksliði Vestra í sumar aðeins 15 ára gamall. Hann var valinn í  úrtakshóp fyrir U17 ára landslið og síðar í lokahóp U17 ára landsliðs Íslands. Þórður fór á árinu með U17 ára landsliðinu á Norðurlandamót þar sem hann spilaði sína fyrstu landsleiki og síðar í undankeppni EM þar sem hann spilaði einnig landsleiki. Í desember var hann enn valinn í U17 ára hópinn. Ótrúlegur árangur þar sem samkeppnin er gríðarlega mikil. Þórður frá frábær fyrirmynd yngri iðkenda í leik og starfi.

Þeir íþróttamenn sem voru tilnefndir til efnilegasta íþróttamanns Ísafjarðarbæjar auk Þórðar eru eftirfarandi:

Arnar Rafnsson Handknattleiksdeild Harðar

Ásgeir Óli Kristjánsson Golfklúbbi Ísafjarðar

Birkir Eydal Knattspyrnudeild Harðar

Dagur Benediktsson Skíðafélag Ísfirðinga

Hafsteinn Már Sigurðsson Blakdeild Vestra

Hilmir Hallgrímsson Körfuknattleiksdeild Vestra

Hörpu Grímsdóttur voru afhent Hvatningarverðlaun fyrir gott og öflugt starf í þágu Blakdeildar Vestra og áður Blakfélaginu Skelli. Harpa hefur sinnt blakstarfinu af lífi og sál síðan hún flutti til Ísafjarðar fyrir 13 árum. Á þeim tíma hefur starfsemi félagsins vaxið og dafnað frá því að vera með tvö kvennalið í öldungarblaki í að vera með öflugt barna- og unglingastarf, lið í meistaraflokki bæði karla og kvenna í 1. deild Íslandsmóts ásamt heldri iðkendum í öldungablaki. Á síðustu árum hafa yngri flokkar félagsins unnið nokkra Íslandsmeistaratitla í sínum aldursflokkum og á síðasta ári varð meistaraflokkur karla deildarmeistarar í 1. deild og komust í undanúrslit í bikarkeppninni. Harpa komið að starfinu frá flestum hliðum, hefur meðal annars þjálfað ef ekki hefur fengist þjálfari. Er einnig mjög öflugur leikmaður og hefur endurtekið verið kjörinn besti leikmaður meistaraflokks kvenna. Harpa er nú formaður blakdeildar Vestra.

Ísafjarðarbær bauð til hófs þar sem útnefningar voru tilkynntar og viðurkenningar afhentar. Rúmlega 90 manns mættu og nutu glæsilegra kaffiveitinga í boði bæjarins.