Fréttir

Kajakróður verður á sunnudag

Þá er farið að síaga á seinni hluta Hreyfivikunnar 2016. Þeir viðburðir sem eru framundan:

Laugardagur 28. maí

Kl. 9.30 Prufutími hjá hlaupahópnum Riddarar Rósu. Æfingar henta jafnt byrjendum sem lengra komnum. Mæting við íþróttahúsið á Torfnesi.

Kl 10.00 Sauradalur-Arnardalur. Gönguferð á vegum Ferðafélags Ísfirðinga. Brottför kl 10 úr Súðavík. Erfiðleikastuðull er 2 skór, vegalengd er um 10 km og tekur  5-6 klukkustundir. Sjá nánar: https://www.facebook.com/groups/317246047708/

Sunnudagur 29. maí

Kl. 11.00 Kajakróður með Sæfara á Pollinum. Félagsmenn Sæfara veita leiðsögn og sjá um fararstjórn. Leiga á búnaði 2.000 kr.

Fjöllbreyttir viðburðir og allir ættu að finna eitthvað við sitt hæfi.

þátttakendur á Ringókynningu

Blásið var til ringokynningar í gærkveldi. Flemming Jessen heimsótti okkur og kynnti þessa skemmtilegu grein fyrir félagsmönnum Kubba, blakdeildar Vestra og fleiri áhugamönnum. Eftir stutta fræðslu og kynningu á íþróttinni var spilað á tveimur völlum. Óhætt er að segja að gleði og ánægja hafi einkennt þennan tíma. Þátttakendur voru hæstánægðir og þurfti nánast að þvinga suma til að hætta í lok tímans. Í það minnsta tvö keppnislið á landsmóti UMFÍ 50+ voru skipuð og gerð plön um frekari æfingar næstu daga.

Svona hringir eru notaðir í ringó

Í tilefni af landsmóti 50+ sem haldið verður á Ísafirði í júní verður stutt kynning á keppnisgreininni Ringo í íþróttahúsinu á Torfnesi kl. 20.00 í kvöld. Flemming Jessen kemur og leiðbeinir.
Ringó líkist blaki. Þó eru ekki notaðir boltar heldur hringir sem er kastað yfir net og gripnir af mótherjum. Þessa íþrótt geta flestir stundað.
Ringó er tiltölulega ný grein hér á landi. Hún mun vera upprunnin í Póllandi en nýtur nú vaxandi vinsælda á Norðurlöndunum.
Hvetjum við áhugasama til að kíkja í íþróttahúsið á fimmtudagskvöldið, ekki síst áhugasama keppendur á landsmóti 50+

Þessar kátu frænkur tóku sundsprett síðast

Á öðrum degi Hreyfiviku viljum við vekja athygli á eftrifarandi viðburði:

Kl. 18.30 Sjósund með sjósundfélaginu Bleikjunum. Synt af stað frá aðstöðu Sæfara í Neðstakaupstað.

Nú er tækifærið fyrir alla þá sem ætluðu í fyrra en komu ekki. Endilega skellið ykkur með.

Þátttakendu upp í Hvilft í göngunni í Hreyfivikunni 2015

Fyrsti viðburður í Hreyfivikunni á Ísafirði er ganga upp í Hvilft á mánudagsmorgni kl. 6. Safnast saman á bílastæðinu neðan Hvilftar kl. 6. Góð leið til að byrja vinnuvikuna.