Fréttir

Strákarnir í KFÍ gerðu sér lítið fyrir og sigruðu Hamarsmenn 82-73. Lið Hamars var taplaust fyrir þennan leik. KFÍ hefur nú unnið fjóra leiki í röð og eiga möguleika á að komast í úrslitakeppnina í 1.deild. Frekari umfjöllun um leikinn er á www.kfi.is . Þar er einnig fréttir af yngri flokkum félagsins sem voru að spila um helgina.

Bikarmótið í alpagreinum sem fram fór um helgina gekk eins og í sögu og voru aðstæður frábærar, gott skíðafæri og sól skein í heiði. Tveir Ísfirðingar nældu sér í silfur í svigi í 15-16 ára flokki, þau Elín Jónsdóttir og Ólafur Njáll Jakobsson. Ísfirðingar fengu samtals þrenn silfurverðlaun á þessu móti, þar sem Anna María Guðjónsdóttir varð önnur í stórsviginu á laugardaginn í 17-19 ára flokki. Öll úrslit mótsins má sjá á heimasíðu skíðafélagsins www.snjor.is undir liðnum "skrár".

Meistaraflokkur KFÍ fær topplið Hamars í heimsókn á föstudagskvöld. Hamarsmenn hafa ekki tapað leik í vetur og vonum við að það breytist á morgun. Leikurinn er kl.19.15 stundvíslega og eru allir hvattir til að mæta. 
KFÍ hefur unnið síðustu þrjá leiki og hefur liðið góða möguleika á því að komast í úrslitakeppnina.

Frekari upplýsingar á heimasíðu KFÍ www.kfi.is

Um helgina verður samtímis haldið alþjóðlegt Fismót/bikarmót SKÍ í alpageinum. Von er á fjölda fólks í bæinn tengda mótinu og verður mikið líf í Tungudal. Frekari upplýsingar um mótið er á heimasíðu Skíðafélags Ísfirðinga www.snjor.is .   

Héraðssamband Vestfirðinga auglýsir eftir umsóknum í verkefnasjóð sambandsins. Samkvæmt reglugerð sjóðsins er honum ætlað að styrkja útbreiðslu og átaksverkefni í íþróttastarfi í Ísafjarðarbæ. Styrkveitingum er ætlað að efla íþróttastarf í sveitarfélaginu og auka aðgengi að einstökum íþróttagreinum.

Hægt að sækja um í sjóðinn fyrir verkefni sem unnin eru í janúar, febrúar og mars 2009. Umsóknarfrestur er til 16. febrúar.

Vakin er sérstök áhersla á reglugerð sjóðsins sem finna má á heimasíðu HSV www.hsv.is. Þar undir „Um HSV" og þar í verkefnasjóður.  

Sjóðurinn styrkir ekki mannvirkjagerð, áhaldakaup, keppnisferðir eða uppskeruhátíðir.

Allar nánari upplýsingar veitir framkvæmdarstjóri HSV, Kristján Þór Kristjánsson, í síma 861-4668 eða í tölvupósti á hsv@hsv.is.