Fréttir

Búið er að taka í gagnið nýtt skráningarkerfi fyrir íþróttaskóla HSV.  Er nú hægt að skrá iðkendur í íþróttaskóla HSV.  Hér vinstra megin á síðunni er flipi sem heitir "skráning" og þar er hægt að skrá börnin.

Íþróttaskóli HSV byrjaði í dag í flottu veðri.  Góð mæting var fyrsta daginn og er það frábært.  Grunnþjálfun og boltaskóli eru úti fyrstu vikurnar þar sem algjör óþarfi er að fara inn strax þegar við höfum jafn gott veður og flott svæði á sparkvellinum við grunnskólalóðina.  Mikil gleði og tilhlökkun voru hjá krökkunum og allt gekk að óskum.  Við látum fylgja með nokkrar myndir af fyrsta deginum.

Því miður reyndist ein vitleysa leynast í stundaskránni og hefur hún verið uppfærð.  Tímum í sundi var víxlað á fimmtudögum.  Drengir í 1-2 bekk eru núna kl 13:40 í sundi og drengir í 3-4 bekk eru kl 14:20.  Breytingin tekur gildi í næstu viku.

Þá er komið að því, íþróttaskóli HSV byrjar á morgun fimmtudag.  HSV er ásamt nokkrum aðildarfélögum að setja upp skráningarkerfi þar sem hægt verður að skrá börnin sín í gegnum internetið.  Verður kerfið tilbúið mjög fljótlega.  Þó ekki sé hægt að ganga frá skráningu byrjar íþróttaskólinn á morgun og mæta krakkarnir samkvæmt stundatöflu sem finna má hér á heimasíðunni.  Mikil spenna og tilhlökkun er hjá þjálfurum að byrja og við vitum að krakkarnir bíða einnig spennt á að byrja. Hlökkum til að sjá sem flesta krakka á morgun.

Við munum byrja á því að vera úti fyrstu vikurnar svo allir þurfa að mæta klæddir eftir veðri og mæta fyrir utan sundhöll

Ísafjarðar.  Þeir sem ætla að æfa sund mæta samkvæmt stundatöflu í sundhöll Ísafjarðar. 

Fyrsta grein í boltaskóla sem farið verður í er knattspyrna.

Stundaskrá íþróttaskóla HSV er nú komin inn á vefinn.  Hægt er að nálgast hana með því að ýta á tengil hér vinstra megin "stundaskrá" og þar er hægt að opna hana í excel formi.  Til að útskýra töfluna þá þýðir t.d. 3-4 kvk að þar er tími fyrir 3-4.bekk stúlkna, eins þýðir þá 1-2.KK að þann tíma á 1-2.bekkur drengja. Hægt er að velja um tvær skrár og er innihald þeirra það sama en þeir sem eru með eldra excel í sínum tölvum skulu velja skrá sem endar á excel97.  Hægt er að senda fyrirspurn vegna skólans á yfirþjálfara í tölvupóstfang ithrottaskoli@hsv.is.