Margt var um manninn á þinginu.
Jón Páll Hreinsson veitti Ásdísi Birnu Pálsdóttur silfurmerki HSV
Ársþing HSV var haldið þriðjudaginn 10 maí í stjórnsýsluhúsinu Ísafirði. Þingið fór vel fram og var mjög góð mæting, 39 kjörmenn voru mættir en með stjórn og gestum voru yfir 50 manns á þinginu og kom þar vel fram sá styrkur og kraftur sem liggur í hreyfingunni um þessar mundir. Margar tillögur voru afgreiddar á þinginu og var mikil og góð umræða í nefndum þingsins. Gestir þingsins voru Líney Rut Halldórsdóttir framkvæmdarstjóri ÍSÍ og Gunnar Gunnarsson stjórnarmaður í UMFÍ og ávörpuðu þau þingið. Formaður HSV veitti Ásdísi Birnu Pálsdóttur Blakfélaginu Skell silfurmerki HSV en Ásdís hefur verið máttarstólpi í Blakfélaginu í mörg ár og unnið mikið og fórnfúst starf fyrir félagið. HSV óskar Ásdísi innilega til hamingju með viðurkenninguna. Marinó Hákonarson var þingforseti og stjórnaði þinginu af mikilli röggsemi.
Jón Páll Hreinsson var endurkjörinn formaður HSV en aðrir í stjórn sambandsins eru Guðni Guðnason, Maron Pétursson, Erla Jónsdóttir og Sturla Páll Sturluson. Í varastjórn sitja Margrét Högnadóttir, Ari Hólmsteinsson og Jóhann Krókness Torfason.
Nánar
Styrktarsjóður þjálfara HSV
Héraðssamband
Vestfirðinga auglýsir eftir umsóknum í styrktarsjóð þjálfara. Samkvæmt
reglugerð sjóðsins er honum ætlað að auka þekkingu og færni þjálfara og með því
móti auka gæði þjálfunar og efla íþróttastarf í sveitarfélaginu. Sjóðsstjórn er heimilt að úthluta styrkjum
til aðila utan vébanda HSV, enda muni viðkomandi verkefni verða íþróttalífi og
félögum í Ísafjarðarbæ til hagsbóta.
Umsóknarfrestur er
til 25. maí 2011
Vakin er sérstök
áhersla á reglugerð sjóðssins sem finna má á heimasíðu HSV www.hsv.is . Þar undir „Um HSV“ . Þar koma fram frekari upplýsingar varðandi
umsóknarferlið.
Allar nánari upplýsingar veitir
framkvæmdarstjóri HSV Kristján Þór Kristjánsson í síma: 861-4668 eða í tölvupósti: hsv@hsv.is
Nánar
Ársþing HSV verður haldið þriðjudaginn 10.maí kl 18:00 í Stjórnsýsluhúsinu Ísafirði 4.hæð.
Nánar
| |
Þriðjudaginn 3. maí n.k. mun forvarnafulltrúi Ísafjarðarbæjar og HSV í samstarfi við GÍ standa fyrir forvarnadegi fyrir miðstigsnemendur í Grunnskólanum á Ísafirði. Nemendum frá Þingeyri og Suðureyri verður ekið fram og til baka en gert er ráð fyrir að fræðslan standi frá 8:00-13:00 eða í sex kennslustundir. Þessum sex kennslustundum verður skipt í þrjár hreyfistundir og þrjá fyrirlestra sem verða í höndunum á Salóme Ingólfsdóttur næringarfræðingi sem fjallar um mikilvægi góðrar næringar, Mörthu Ernstdóttur sjúkraþjálfara og jógakennara sem fjallar um mikilvægi þess að hugsa vel um líkamann sinn og Erni Árnasyni leikara sem mun tala um framkomu.
Mánudaginn 2. maí kl. 20:00 verður foreldrafundur í sal GÍ þar sem sömu fyrirlesarar munu kynna sína fyrirlestra og fræða foreldra. Við vonum að sem flestir sjái sér fært að mæta og nýti sér þessa flottu fyrirlesara. |
Nánar
GÍ krakkarnir í þriðja sæti í Skólahreysti
Lið Grunnskóla Ísafjarðar varð í þriðja sæti í úrslitum Skólahreysti sem fór fram í Laugardalshöllinni í Reykjavík í gær. Tólf skólar kepptu til úrslita en alls tóku 120 skólar þátt í keppninni þetta árið. Sýnt var beint frá úrslitunum í Ríkissjónvarpinu. Ísfirðingarnir, þau Martha Þorsteinsdóttir, Rannveig Hjaltadóttir, Hálfdán Jónsson og Patrekur Þór Agnarsson, stóðu sig frábærlega vel. Gaman er að geta þess að íþrótta bakrunnur krakkana er fjölbreyttur en þau koma úr knattspyrnu, körfuknattleik, skíðum og sundi og geta því nokkur íþróttafélög í bænum þóst eiga eitthvað í þeim. Í fyrsta sæti varð Holtaskóli og Lindaskóli í öðru sæti. Aðeins munaði einu stigi milli efstu liðanna.
Nánar
